Dae Ye?
Well, dae ye?
switch aff thuhr gas .....switch aff thuhr
light
Ah mean, that's whit yer supposed tae dae is it no
turn thum aff afore
ye go
oan yer raids in thi middle ih thi night?
dae ye sneak intae
thi daurk .....up thi sterr
staun ootside thi door wi yer tools ready
is it a laugh .....you and yer pals?
dae ye shout oot
as ye crash thru thuhr halls
"surprise
it's yer friendly
immigration polis here"
...wi yerr torches
an tazers
slashin thi daurk lik flashin lazers
dae ye see thi weans and thi wummin aw
feart and screamin at yer righteous might?
Well, dae ye?
switch aff thuhr gas .....switch
aff thuhr light?
like the Gestapo did .....the
KGB .....FBI
MI5 the STAZI .....Ah
mean,
that's whit yer supposed tae dae is it no
turn thum aff afore
ye go
oan yer raids in thi middle ih thi night?